У Маларыцкай раённай гімназіі прайшла дэкада прафарыентацыі “Выбраць прафесію – выбраць лёс”.
Мэта дэкады – паглыбіць веды вучняў пра розныя прафесіі, дапамагчы сарыентавацца ў далейшай прафесійнай дзейнасці.
У рамках дэкады прайшлі сустрэчы з прадстаўнікамі розных прафесій, экскурсіі ва ўстановы і арганізацыі. Так, васьмікласнікі наведалі аддзел ЗАГСа Маларыцкага райвыканкама. Запамінальнай атрымалася экскурсія для сямікласнікаў на ўчастак па сарціроўцы другаснай сыравіны Маларыцкай ЖКГ. Дзесяцікласнікі пабывалі ў раённай бібліятэцы.
Падчас мерапрыемства “Ствары сваю будучыню” пра асаблівасці сваёй прафесіі расказалі загадчыца аддзела абслугоўвання раённай бібліятэкі Валянціна Ібрагімава, загадчыца аддзела бібліятэчнага маркетынгу Галіна Кучына і метадыст Маларыцкага раённага метадычнага цэнтра культурна-асветніцкай работы Яўгенія Наўрасюк.
Старшакласнікі сустрэліся з прадстаўнікамі Віцебскай дзяржаўнай акадэміі ветэрынарнай медыцыны і Брэсцкага дзяржаўнага ўніверсітэта імя А.С.Пушкіна. Юнакі і дзяўчаты даведаліся пра шматпрофільнасць і шматузроўневасць адукацыі ва УВА, этапы ўступнай кампаніі і формы навучання, спецыяльнасці, якія там можна набыць.
Для вучняў пачатковых класаў прайшлі сустрэчы – класныя гадзіны “Прафесіі знаёмыя і незнаёмыя”. Да першакласнікаў завіталі іх бацькі, якія расказалі пра свае прафесіі.
Мікалай НАВУМЧЫК,
намеснік дырэктара па вучэбна-метадычнай рабоце
Маларыцкай раённай гімназіі
Предложить публикацию