13 студзеня ў яслях-садзе № 6 Смаргоні прайшла забава “Прыйшлі Калядкі – добрыя святкі”.
Пераапрануўшыся ў герояў казак, дзеці выканалі калядныя песні “Паехала Каляда з канца ў канец”, “Добры вечар, шчодры вечар”, розныя пацешкі, вадзілі карагод “Го-го-го, каза”, гулялі ў народныя гульні “Калядныя падарункі”, “Зайцы на гары стаялі”, “Ведзьміна мятла”.
Завіталі малыя і ў госці да Гаспадынькі. Яна расказала дашкалятам пра традыцыі святкавання Калядак, загадала загадкі.
Падобныя мерапрыемствы не толькі прыносяць радасць выхаванцам, але і даюць ім магчымасць дакрануцца да традыцый і звычаяў беларускага народа, самім адчуць усё хараство народных святаў і гулянняў.
Таццяна СУЛЬЖЫЦКАЯ,
музычны кіраўнік
ясляў-сада № 6 Смаргоні
Предложить публикацию