Снежная зіма, казачнае надвор’е, а замест пластыліну – снег! Выхаванцы ясляў-сада № 34 Ліды падчас прагулак выкарыстоўваюць снег як выдатны будаўнічы матэрыял і матэрыял для эксперыментаў і вопытаў.
Эксперыментаванне са снегам задавальняе цікаўнасць і дапытлівасць дзяцей, узбагачае іх пазнавальны і сэнсарны вопыт, развівае творчасць.
На адной з такіх прагулак выхаванцы выбралі арт-аб’ектам дрэвы і ўпрыгожылі іх снежнымі барэльефамі, выкарыстоўваючы снежкалепы. Прыгожыя снежныя кветкі і сняжынкі рассыпаліся па ствалах дрэў. Сумесна з педагогам са снежных камякоў дзеці вылепілі снежны барэльеф “Беленькае кацяня”. Цяпер на гульнявой пляцоўцы стала загадкава і прыгожа, яна ператварылася ў зімовую казку.
Лілія ЛІТАВАР,
выхавальнік ясляў-сада № 34 Ліды
Предложить публикацию