Напярэданні Міжнароднага дня сям’і і на працягу тэматычнага тыдня “Мая сям’я” у яслях-садзе № 1 Карэліч была аб’яўлена акцыя “Здаровы лад жыцця ў сям’і”.
Многія сем’і станоўча адгукнуліся на прапанову і падзяліліся фотаздымкамі пра тое, якія мерапрыемствы праводзяцца ў іх сем’ях з мэтай захавання і ўмацавання здароўя.
Аформленая на падставе фотаздымкаў прэзентацыя служыць наглядным дапаможнікам для фарміравання ў дзяцей дашкольнага ўзросту звычак да здаровага ладу жыцця. Выхаванцы ахвотна дзеляцца вопытам сямейнага адпачынку на прыродзе і сумесных з бацькамі заняткаў спортам, распавядаюць пра ўжыванне ў сям’і карысных і свежых прадуктаў, правядзенне працэдур загартоўвання.Такім чынам, хочацца спадзявацца, што захаванне здаровага ладу жыцця ўсіх членаў сям’і нашых выхаванцаў у сучаснасці прывядзе да дабрабыту і шчаслівага жыцця ў гармоніі з мірам у будучыні.
У яслях-садзе № 1 Карэліч праводзіцца шэраг мерапрыемстваў, накіраваных на фарміраванне ў дзяцей дашкольнага ўзросту ўяўленняў пра прыметы здароўя: правільная пастава, добры настрой, апетыт, здаровы сон. Звяртаем увагу на развіццё ўменняў самастойна выконваць найпростыя правілы захавання і ўмацавання здароўя: прытрымлівацца распарадку дня, ужываць прадукты, карысныя для здароўя, рабіць загартоўваючыя працэдуры; на выхаванне ўважлівага стаўлення да свайго здароўя і здароўя навакольных людзей як перадумову здаровага ладу жыцця.
Выкананне пастаўленых задач праходзіць праз усе віды дзіцячай дзейнасці: заняткі, зносіны, пазнавальную практычную, мастацкую, гульнявую і працоўную актыўнасць. Пры гэтым, уся праца праводзіцца ў цесным узаемадзеянні з усімі ўдзельнікамі адукацыйнага працэсу. Самымі актыўнымі сярод іх з’яўляюцца бацькі нашых выхаванцаў.
Наталля СКОК,
намеснік па асноўнай дзейнасці
загадчыка ясляў-сада № 1 Карэліч
Предложить публикацию