У яслях-садзе № 3 Навагрудка выхавальнікі ўсіх узроставых груп правялі акцыю “Лесвіца любові” для бацькоў і дзяцей.
Акцыя была накіраваная на прафілактыку дзіцяча-бацькоўскіх канфліктаў, фарміраванне прыязнага партнёрства паміж яслі-садам і сям’ёй, у аснове якога – псіхаэмацыйны стан дзяцей.
Папярэдне выхавальнікі падрыхтавалі “сляды” з добрымі і цікавымі заданнямі, пакінуўшы іх на лесвіцах установы. Кожны з бацькоў, падымаючыся па прыступках, казаў свайму дзіцяці пяшчотныя словы і добрыя пажаданні, абдымаў і цалаваў свайго малога.
Словамі не перадаць, колькі станоўчых эмоцый выклікала акцыя ў нашых бацькоў і дзяцей. Варта задумацца, наколькі каштоўна і прыемна дарыць іншым і атрымліваць самім цёплыя пачуцці.
Вольга ПУЛКО,
кіраўнік фізічнага выхавання
ясляў-сада № 3 Навагрудка
Предложить публикацию