Педагогі ясляў-сада № 4 Ганцавіч надаюць вялікую ўвагу вывучэнню правіл дарожнага руху. З гэтай мэтай праводзяцца розныя мерапрыемствы, накіраваныя на засваенне правіл бяспечных паводзін на дарозе.
Нядаўна ў яслях-садзе прайшла тэматычная забава “Бяспечны горад”, падчас якой выхаванцы паўтаралі правілы дарожнага руху, замацоўвалі веды пра дарожныя знакі і сігналы святлафора, вучыліся быць уважлівымі і адказнымі, дапамагаць іншым.
Гульні “Пешаходы і вадзіцелі” і “Вуліца горада” праходзілі з выкарыстаннем макета дарогі, на якой дзяўчынкі-пешаходы і хлопчыкі-вадзіцелі развівалі лагічнае мысленне і прасторавую арыентацыю, уважлівасць і назіральнасць, паказвалі дзеянні ўдзельнікаў дарожнага руху.
Усе дзеці з вялікім задавальненнем выконвалі прапанаваныя заданні.
Людміла ЦІШЧАНКА,
кіраўнік фізічнага выхавання
ясляў-сада № 4 Ганцавіч
Предложить публикацию